Formaðurinn

25.1.2007 | 20:22

Erfiðir janúardagar

Fór á Sjávarkjallarann á sunnudagskvöldið - YUMMI góður matur og góð þjónusta, verð reyndar að viðurkenna að mér finnst túnfiskurinn á Óliver betri !! En túnfiskur er klárlega með því betra sem maður fær.

Beta og Emil og litla dýrið þeirra búin að vera í bænum alla vikuna, ég held að þau hafi verið hálf fegin að komast með barnið burt frá mér þar sem ég ruglaði svo í henni að hún fékk hita.....

Annars allt tíðindalaust - braut símann minn og fékk annan að láni þar til nýr sími yrði klár. Ég er ekkert viss um að ég vilji láta lánssímann af hendi þar sem hann er þeim eiginleikum gæddur að hann hringir nánast aldrei heldur fær fólk bara talhólf og hefur þetta skapað ómældan vinnufrið.

Esjan á dagskrá um helgina - næ líklega betri tíma en síðast þar sem það er alveg örugglega ekki hægt að vera lengur en ég var .... annars langar mig bara að sofa og sofa og sofa þessa dagana

Og já - Barnaland - hvað er það ? Hef hingað til ekki skammast mín fyrir að vera kvenmaður - verið frekar stolt af því bara þangað til ég rambaði inn á þessa ótrúlegu spjallsíðu. Ótrúlega gefandi samræður !!!!

Flokkur: Bloggar | Facebook

Athugasemdir

Túnfiskur eldaður á réttan máta toppar nánast allt sem maður slafrar.... Sá besti sem ég hef fengið var etinn á stað í Seattle sem ég man ekki hvað heitir en sá næstbesti var snæddur á Trocadero í Reykjavík (minnir mig)

.....................

Eiður Ragnarsson, 26.1.2007 kl. 08:21