Formaðurinn

Er með þetta lag hér að ofan með Terence Trent Darby á heilanum í dag.  Það föturignir og mér finnst það ekkert gaman, urðum að fresta Birnudalstind eina ferðina enn vegna veðurs, frekar fúlt, hefði verið rosa gaman að fara þessa helgi austur þar sem verið er að formlega að opna Vatnajökulsþjóðgarð.

 Í staðinn fyrir að gróðursetja tré með vinnunni fór ég í neglur í morgun, mætti samt í grillið á eftir :)  - taldi mig nú bara vera mjög löglega afsakaða þar sem að neglurnar hljóta alltaf að hafa forgang !!    Stefnt á tíðindalausa helgi með Esjugöngu á morgun.   ´

En svo er bara Bretlandsferð framundan, ætlum að keyra um suður England, þ.e. Gummi ætlar að keyra og Regína er búin að lofa að skipta sér ekki af akstrinum.  Var að fatta af hverju ég var skráð sem vara driver en ekki Regína, hún er svo séð því þá getur hún legið í bjórnum en ekki ég !!  Ætlum sem sagt að eyða þjóðhátíðardeginum erlendis, Beta, Emil og Orri frændi koma líka með þannig að þetta lofar mjög góðu. 

Góða helgi, vonandi eiga allir góðan pollagalla :) 

Reif mig upp klukkan sjö í morgun til að fara í Boot camp í nýju skónum, sem sagt búið að vígja gripina og reyndust þeir bara vel.  Stefni á almennilega hreyfiviku þar síðasta vika fór bara í rugl, leti, veikindi og þynnku. 

 Fór á fund hjá Búlandstindi þar sem voru planaðir nokkrir sniðugir hittingar í sumar, gaman að sjá hvernig fólk tekur í þetta.

Síðan er stefnt á Snæfellsjökul næsta laugardag því þá verður pottþétt Þórólfsveður :)

Búið að vera nóg að gera þessa vikuna.  Nú er allt komið á fullt í malbikinu og nóg að gera.  Þannig að nú er ég farin að vinna aftur á kjörhraða.  Get ekki unnið hratt nema allt sé á fullu.

 Hvítasunnuhelgin búin að vera mjög góð, ætlaði bara að liggja í leti á föstudagskvöldinu, til marks um það að það var nákvæmlega ekkert planað þá kom Júlía í heimsókn í náttbuxunum.   En partýin gera ekki boð á undan sér þannig að þegar kallið kom þá að sjálfsögðu var ekki hægt að skorast undan, græjuðum okkur á mettíma og skelltum okkur í bæinn.  

Vaknaði svo ótrúlega hress á laugardagsmorgninum, alla vega svona miðað við aðstæður og fór í ræktina með Bryndísi, sem fékk næstum taugaáfall þegar hún sá að ég var ennþá í gömlu, mjög svo götóttu adidas hlaupaskónum mínum sem ég var búin að lofa að henda fyrir löngu, keypti mér meira að segja nýja um daginn sem ég skilaði.  Það er alveg lyglilegt hvað það er erfitt að kaupa íþróttaskó sem maður getur "bondað" við.   Tókum létta æfingu og fórum svo beint í Útilíf að kaupa skó :)

Átti svo frábært laugardagskvöld heima hjá  Bryndísi og Einari með Júlíu og Láru.  Hittumst og átum sushi og grillaðan humar, drukkum hvítvín, bjór og malibu í ananassafa - pínu nostalgíudrykkur sko.  Man bara þegar ég var að hrista svoleiðis einhvern tímann í partý uppi i Rein og fékk hann allan í andlitið,  svipað og þegar ég var að vinna á pöbbnum heima og gerði baileys hristan yfir öxlina, sígildur :)

 Ætluðum að fara í bæinn en hreinlega gleymdum hvað tímanum leið og sátum sem fastast að kjafta alla nóttina.  Sem sagt frábært kvöld, takk fyrir mig stelpur :)  - vantaði bara Rán sem neitar að koma heim frá London !!

Eyddi svo afmælisdeginum í sófanum með ótal mörgum dvd myndum .... ekkert sérstakt þema þessa helgina þar sem ekki var hægt að leigja fleiri Colin Farrell myndir.  Horði á eina alveg ágæta, In the land of women annars ekkert bitastætt. 

 En nú er sem sagt komið sumar - er það ekki annars !!  Ætla að vera dugleg í vikunni að hlaupa rosalega mikið í nýju skónum...

Enn einn frábær frídagur að baki.  Notaði daginn til að ganga Selvogsgötuna þ.e. frá Bláfjallaveginum og yfir í Selvog c.a. 18 km leið - held reyndar að við höfum bara gengið 15 km.

 Frábært veður og góð mæting, skelltum okkur í sund í Salalaugina á eftir sem var stútfull af fólki, ætli sé bara endalaust hleypt inn ????  verra þegar maður þarf að bíða eftir að einhver komi upp úr til að geta troðið sér ofan í.   En laugin er fín og mun betri en Subbulaugin í Suðurbænum, þar sem maður þarf helst að vera í vaðstígvélum til að liða vel.

 Fórum svo á Fjörukrána um kvöldið að borða og drekka langþráðan ískaldan bjór. Vá hvað bjór er góður, kemst ekki yfir það, bjór bjór bjór ....

 Stefni svo á góða helgi, X-Dominos partý í kvöld þannig að morgundagurinn verður örugglega frekar slappur en stefni á göngu á sunnudag.  Verð að halda áfram að byggja upp þol.

 Góða helgi  

Fín helgi að baki og frábær vika framundan - vika með frídegi í miðri viku getur bara orðið frábær !!

Fór á Verk og Vit á fimmtudeginum, byrjaði í ráðstefnu og tók svo hring á sýningunni, þetta er sko engin sjávarútvegssýning en nóg að býta og brenna, sérstaklega var sushi barinn hjá Mannvit góður.   Þurfti virkilega að rífast við sjálfa mig í hausnum hvort ég ætti bara að slá til og detta í það eða drulla mér heim, sem ég gerði sem betur fer,  segið svo að maður hafi ekki viljastyrk :)

 Fór á Definately Maybe um kvöldið,  borðliggjandi sunnudagseftirmiðdagsstelpumynd, mæli með henni við svoleiðis tækifæri.

 Tveggja tíma bootcamp æfing í Elliðaárdalnum á laugardagsmorgun klukkan níu  - hljómar ótrúlega vel er það ekki ????  Við Júlía mættum galvaskar, klárar í slaginn .... og náðum heilum 17 mínútum af froskahoppum, armbeygjum, bjarnargöngum og sprettum..... áður en við gáfumst hreinlega upp og stungum af.  Shiiittttt hvað varð um notalega upphitun, koma sér í gírinn og svona ?????  Hefði kannski sloppið ef allur hópurinn hefði ekki alltaf fengið refsingu af því ÉG gat ekki drullast hraðar !!  Átti alveg nóg með að hugsa um sjálfa mig án þess að þurfa að hafa áhyggjur af hinu fólkinu sko....

Fór þess í stað bara einn ástjarnar/ásfjalla hring og engin þurfti að gera 50 aukafroska af Því ég stoppaði í miðri hlíð :)

 Fórum svo í Brunch á Maður lifandi í Hafnarborg - svoltið spes.  Voða fínt og kósí en maður þarf sjálfur að ganga frá eftir sig, svona ponku skrýtið andrúmsloft i kringum þetta en maturinn var góður.  

 Ákvað að skola af bílnum mínum og beið í 30 mínútur í röð við einhverja sjálfvirka þvottastöð sem lofaði að snerta ekki bílinn minn, þetta höfðaði sérstaklga til mín þar sem ég hef mjög litla snertiþörf :)  -  Þegar röðin loks koma að mér var allt kapútt,  það blikkuðu öll ljós samtímis, sem sagt áfram, stoppa og bakka og hurðin fór stanslaust upp og niður  ...... ég náði að forða mér úr þessum sirkus og endaði á að þurfa bara að spúla bílinn sjálf með handafli, sem tók heilar 5 mínútur.    Hitti Gísla sem var að þvo hreinan bíl - hvað er það ???  Einhver lítill Pringles kall farin að gera vart við sig í honum, búin að fjárfesta í hágæða burstasetti :)

 Grillið var svo brúkað vel um helgina, grillaði humar á laugardeginum og lamb á sunnudeginum. Reyndar var lambið meira svona eldhafsbakað heldur en grillað þar sem grillið stóð bara í ljósum logum og allt kolbrann.  Veit ekki alveg hvað gerðist en við bara flysjuðum öskuna af kjötinu og málið dautt.

Jebb bara tiltölulega notaleg helgi :)